บทสวดมนต์ทำวัตรเช้า
โย โส ภะคะวา อะระหัง สัมมาสัมพุทโธ / สวากขาโต เยนะ ภะคะวะตา ธัมโม
สุปะฏิปันโน ยัสสะ ภะคะวะโต สาวะกะสังโฆ / ตัมมะยัง ภะคะวันตัง สะธัมมัง สะสังฆัง
อิเมหิ สักกาเรหิ ยะถาระหัง อาโรปิเตหิ อะภิปูชะยามะ /
สาธุ โน ภันเต ภะคะวา สุจิระปะรินิพพุโตปิ / ปัจฉิมาชะนะตานุกัมปะมานะสา /
อิเม สักกาเร ทุคคะตะปัณณาการะภูเต ปะฏิคคัณหาตุ /
อัมหากัง ทีฆะรัตตัง หิตายะ สุขายะ ฯ
อะระหัง สัมมาสัมพุทโธ ภะคะวา / พุทธัง ภะคะวันตัง อะภิวาเทมิ (กราบ)
สวากขาโต ภะคะวะตา ธัมโม / ธัมมัง นะมัสสามิ (กราบ)
สุปะฏิปันโน ภะคะวะโต สาวะกะสังโฆ / สังฆัง นะมามิ (กราบ)
ปุพพะภาคะนะมะการะ
(นำ) หันทะ มะยัง พุทธัสสะ ภะคะวะโต ปุพพะภาคะนะมะการัง กะโรมะ เส ฯ
(รับ) นะโม ตัสสะ ภะคะวะโต อะระหะโต สัมมาสัมพุทธัสสะ
นะโม ตัสสะ ภะคะวะโต อะระหะโต สัมมาสัมพุทธัสสะ
นะโม ตัสสะ ภะคะวะโต อะระหะโต สัมมาสัมพุทธัส
บทสวดพุทธาภิถุติ
(นำ) หันทะ มะยัง พุทธาภิถุติง กะโรมะ เส ฯ
(รับ) โย โส ตะถาคะโต อะระหัง สัมมาสัมพุทโธ /
วิชชาจะระณะสัมปันโน สุคะโต โลกะวิทู /
อะนุตตะโร ปุริสะทัมมะสาระถิ สัตถาเทวะมะนุสสานัง พุทโธ ภะคะวา /
โย อิมัง โลกัง สะเทวะกัง สะมาระกัง สะพรัหมะกัง /
สัสสะมะณะพราหมะณิง ปะชัง สะเทวะมะนุสสัง สะยัง /
อะภิญญา สัจฉิกัตวา ปะเวเทสิ /
โย ธัมมัง เทเสสิ อาทิกัลยาณัง มัชเฌกัลยาณัง ปะริโยสานะกัลยาณัง /
สาตถัง สะพยัญชะนัง เกวะละปะริปุณณัง ปะริสุทธัง พรัหมะจะริยัง ปะกาเสสิ /
ตะมะหัง ภะคะวันตัง อะภิปูชะยามิ /
นะมะหัง ภะคะวันตัง สิระสา นะมามิ ฯ (กราบ)
บทสวดธัมมาภิถุติ
(นำ) หันทะ มะยัง ธัมาภิถุติง กะโรมะ เส ฯ
(รับ) โย โส สวากขาโต ภะคะวะตา ธัมโม / สันทิฏฐิโก อะกาลิโก เอหิปัสสิโก
โอปะนะยิโก ปัจจัตตัง เวทิตัพโพ วิญญูหิ / ตะมะหัง ธัมมัง อะภิปูชะยามิ /
ตะมะหัง ธัมมัง สิระสา นะมามิ ฯ (กราบ)
บทสวดสังฆาภิถุติ
(นำ) หันทะ มะยัง สังฆาภิถุติง กะโรมะ เส
(รับ) โย โส สุปะฏิปันโน ภะคะวะโต สาวะกะสังโฆ /
อุชุปะฏิปันโน ภะคะวะโต สาวะกะสังโฆ /
ญายะปะฏิปันโน ภะคะวะโต สาวะกะสังโฆ /
สามีจิปะฏิปันโน ภะคะวะโต สาวะกะสังโฆ /
ยะทิทัง จัตตาริ ปุริสะยุคานิ อัฏฐะ ปุริสะปุคคะลา / เอสะ ภะคะวะโต สาวะกะสังโฆ /
อาหุเนยโย ปาหุเนยโย ทักขิเณยโย อัญชะลีกะระณีโย /
อะนุตตะรัง ปุญญักเขตตัง โลกัสสะ /
ตะมะหัง สังฆัง อะภิปูชะยามิ /
ตะมะหัง สังฆัง สิระสา นะมามิ ฯ (กราบ แล้วนั่งพับเพียบ)
บทสวดระตะนัตตะยัปปะณามะคาถา
(นำ) หันทะ มะยัง ระตะนัตตะยัปปะณามะคาถาโย เจวะ สังเวคะปะริกิตตะนะ ปาฐัญจะ ภะณามะ เส ฯ
(รับ) พุทโธ สุสุทโธ กะรุณามะหัณณะโว / โยจจันตะสุทธัพพะระญาณะโลจะโน / โลกัสสะ ปาปูปะกิเลสะฆาตะโก / วันทามิ พุทธัง อะหะมาทะเรนะ ตัง / ธัมโม ปะทีโป วิยะ ตัสสะ สัตถุโน / โย มัคคะปากามะตะเภทะภินนะโก /
โลกุตตะโร โย จะ ตะทัตถะทีปะโน / วันทามิ ธัมมัง อะหะมาทะเรนะ ตัง /
สังโฆ สุเขตตา ภะยะติเขตตะสัญญิโต / โย ทิฏฐะสันโต สุคะตานุโพธะโก /
โลลัปปะหีโน อะริโย สุเมธะโส / วันทามิ สังฆัง อะหะมาทะเรนะ ตัง /
อิจเจวะเมกันตะภิปูชะเนยยะกัง / วัตถุตตะยัง วันทะยะตาภิสังขะตัง /
ปุญญัง มะยา ยัง มะมะ สัพพุปัททะวา /มา โหนตุ เว ตัสสะ ปะภาวะสิทธิยา ฯ อิธะ ตะถาคะโต โลเก อุปปันโน อะระหัง สัมมาสัมพุทโธ /
ธัมโม จะ เทสิโต นิยยานนิโก อุปะสะมิโก ปะรินิพพานิโก /
สัมโพธะคามี สุคะตัปปะเวทิโต / มะยันตัง ธัมมัง สุตวา เอวัง ชานามะ /
ชาติปิ ทุกขา ชะราปิ ทุกขา มะระณัมปิ ทุกขัง /
โสกะปะริเทวะทุกขะโทมะนัสสุปายาสาปิ ทุกขา /
อัปปิเยหิ สัมปะโยโค ทุกโข ปิเยหิ วิปปะโยโค ทุกโข /
ยัมปิจฉัง นะ ละภะติ ตัมปิ ทุกขัง / สังขิตเตนะ ปัญจุปาทานักขันธา ทุกขา /
เสยยะถีทัง / รูปูปาทานักขันโธ / เวทะนูปาทานักขันโธ / สัญญูปาทานักขันโธ /
สังขารูปาทานักขันโธ / วิญญาณูปาทานักขันโธ / เยสัง ปะริญญายะ / ธะระมาโน โส ภะคะวา / เอวัง พะหุลัง สาวะเก วิเนติ / เอวัง ภาคา จะ ปะนัสสะ ภะคะวะโต / สาวะเกสุ อะนุสาสะนี พะหุลา ปะวัตตะติ รูปัง อะนิจจัง / เวทะนา อะนิจจา / สัญญา อะนิจจา / สังขารา อะนิจจา /วิญญาณัง อะนิจจัง / รูปัง อะนัตตา / เวทะนา อะนัตตา / สัญญา อะนัตตา / สังขารา อะนัตตา / วิญญาณัง อะนัตตา / สัพเพ สังขารา อะนิจจา / สัพเพ ธัมมา อะนัตตาติ / เต* (ตา) มะยัง / โอติณณามะหะ ชาติยา / ชะรามะระเณนะ / โสเกหิ ปะริเทเวหิ ทุกเขหิ โทมะนัสเสหิ อุปยาเสหิ / ทุกโขติณณา ทุกขะปะเรตา / อัปเปวะนามิมัสสะ เกวะลัสสะ ทุกขักขันธัสสะ /อันตะกิริยา ปัญญาเยถาติ / จิระปะรินิพพุตัมปิ ตัง ภะคะวันตัง สะระณัง คะตา /ธัมมัญจะ ภิกขุสังฆัญจะ / ตัสสะ ภะคะวะโต สาสะนัง ยะถาสะติ / ยะถาพะลัง มะนะสิกะโรมะ อะนุปะฏิปัชชามะ / สา สา โน ปะฏิปัตติ / อิมัสสะ เกวะลัสสะ ทุกขักขันธัสสะ อันตะกิริยายะ สังวัตตะตุ ฯ
บทสวดอุททิสสะนาธิฏฐานะคาถา (กรวดน้ำอิมินา)
(นำ) หันทะ มะยัง อุททิสสะนาธิฏฐานะคาถาโย ภะณามะ เส ฯ
(รับ) อิมินา ปุญญะกัมเมนะ อุปัชฌายา คุณุตตะรา อาจะริยูปะการา จะ มาตาปิตา จะ ญาตะกา สุริโย จันทิมา ราชา คุณะวันตา นะราปิ จะ พรัหมะมารา จะ อินทา จะ โลกะปาลา จะ เทวะตา
ยะโม มิตตา มะนุสสา จะ มัชฌัตตา เวริกาปิ จะ สัพเพ สัตตา สุขี โหนตุปุญญานิ ปะกะตานิ เม สุขัง จะ ติวิธัง เทนตุ ขิปปัง ปาเปถะ โว มะตัง ฯ อิมินา ปุญญะกัมเมนะ อิมินา อุททิสเสนะ จะ ขิปปาหัง สุละเภ เจวะ ตัณหุปาทานะเฉทะนัง เย สันตาเน หินา ธัมมา ยาวะ นิพพานะโต มะมัง นัสสันตุ สัพพะทา เยวะ ยัตถะ ชาโต ภะเว ภะเว อุชุจิตตัง สะติปัญญา สัลเลโข วิริยัมหินา มารา ละภันตุ โนกาสัง กาตุญจะ วิริเยสุ เม พุทธาทิปะวะโร นาโถ ธัมโม นาโถ วะรุตตะโม นาโถ ปัจเจกะพุทโธ จะสังโฆ นาโถตตะโร มะมัง เต โสตตะมานุภาเวนะ มาโรกาสัง ละภันตุ มา ฯ
บทสวดปัตติทานะคาถา (บทสวดแผ่เมตตาทำนองสรภัญญะ)
ยา เทวะตา สัน / ติ วิหาระวาสินี ถูเป ฆะเร โพ / ธิฆะเร ตะหิง ตะหิง
ตา ธัมมะทาเน / นะ ภะวันตุ ปูชิตา โสตถิง กะโรนเต / ธะ วิหาระมัณฑะเล
เถรา จะ มัชฌา / นะวะกา จะ ภิกขะโว สารามิกา ทา / นะปะตี อุปาสะกา
คามา จะ เทสา / นิคะมา จะ อิสสะรา สัปปาณะภูตา / สุขิตา ภะวันตุ เต
ชะลาพุชา เย / ปิ จะ อัณฑะสัมภะวา สังเสทะชาตา / อะถะโวปะปาติกา
นิยยานิกัง ธัม / มะวะรัง ปะฏิจจะ เต สัพเพปิ ทุกขัส / สะ กะโรนตุ สังขะยัง ฯ
ฐาตุ จิรัง สะตัว ธัมโม / ธัมมัทธะรา จะ ปุคคะลา สังโฆ โหตุ สะมัคโค วะ /
อัตถายะ จะ หิตายะ จะ อัมเห รักขะตุ สัทธัมโม / สัพเพปิ ธัมมะจาริโน
วุฑฒิง สัมปาปุเณยยามะ / ธัมเม อะริยัปปะเวทิเต ฯ
บทแผ่เมตตาพิเศษ
สัพเพ สัตตา สะทา โหนตุ / อะเวรา สุขะชีวิโน
ขอให้สัตว์ทั้งหลาย / จงเป็นผู้ไม่มีเวรต่อกันและกัน /
จงเป็นผู้ดำรงชีพอยู่เป็นสุขทุกเมื่อเถิด
กะตัง ปุญญัง ผะลัง มัยหัง / สัพเพ ภาคี ภะวันตุ เต
ขอให้สัตว์ทั้งสิ้นนั้น / จงเป็นผู้มีส่วนได้เสวยผลบุญ /อันที่ข้าพเจ้าได้บำเพ็ญแล้วนั้นเทอญ
